2024 жылғы 27-29 маусым аралығында Қытайдың Шыңжаң-Ұйғыр автономиялық ауданы Үрімші қаласында зооноздық аурулардың алдын алу мен бақылауға баса назар аудара отырып, «Жібек жолы» Халықаралық денсаулық сақтау форумы өтті
2024 жылғы 27-29 маусым аралығында Қытайдың Шыңжаң-Ұйғыр автономиялық ауданы Үрімші қаласында зооноздық аурулардың алдын алу мен бақылауға баса назар аудара отырып, «Жібек жолы» Халықаралық денсаулық сақтау форумы өтті. Іс-шара медициналық ынтымақтастықты нығайту және тәжірибе алмасу мақсатында Қытай, Қазақстан, Қырғызстан, Тәжікстан, Пәкістан және Моңғолия өкілдерін жинады.
«Жібек жолы» Денсаулық сақтау форумының ашылуына Шыңжаң-Ұйғыр автономиялық ауданының денсаулық сақтау партия комитетінің хатшысы Хэ Юнхуэй мырза және Шыңжаң-Ұйғыр автономиялық ауданы Үкіметі төрағасының орынбасары Қайсар Аудукерим мырза, Тәжікстан Республикасының Денсаулық сақтау және әлеуметтік қорғау министрі Джамолиддин Абдуллозода мырза, сондай-ақ Қытай-Пәкістан экономикалық дәлізі бойынша білім беру жөніндегі жоғары комиссияның бас директоры Сафдар Әли Шах мырза қатысты. Рәсім барысында әртүрлі медициналық мекемелер арасында ынтымақтастық туралы келісімдерге қол қойылды, бұл бірлескен зерттеулер мен жобаларды дамытудың жаңа перспективаларын ашады.
Қазақстан делегациясын М. Айқымбаев атындағы АҚИҰҒО-ның атынан:
— Избанова Уинкуль Әйтеновна – зоонозды бактериялық инфекциялар зертханасының меңгерушісі;
— Байтұрсын Болатбек Ахилбекұлы – оба зертханасының меңгерушісі;
— Туханова Нұр Байбақтықызы – табиғи-ошақты вирустық инфекциялар зертханасының ғылыми қызметкері таныстырды.
Шыңжаң ауруларды бақылау және алдын алу Орталығы ұйымдастырған зооноздық ауруларды бақылау және алдын алу жөніндегі кіші форумға ерекше назар аударылды. Франция, Қытай, Қазақстан, Өзбекстан, Қырғызстан және Моңғолия ғалымдары өз зерттеулерін ұсынып, зооноздарға қарсы күрестегі ағымдағы сын-қатерлер мен стратегияларды талқылады. Избанова Уинкуль Әйтеновна зоонозды бактериялық инфекциялар саласындағы өз зерттеулерін ұсынды.
Іс-шара қорытындысы бойынша денсаулық сақтаудың жалпы сын-қатерлері мен зооноздарға қарсы күресте халықаралық ынтымақтастықтың маңыздылығы атап өтілді.
