2025 жылғы 15 тамызда М. Айқымбаев атындағы аса қауіпті инфекциялар ұлттық ғылыми орталығында төтенше жағдайлар кезіндегі персоналдың іс-қимылдары бойынша оқу-жаттығу өткізілді
2025 жылғы 15 тамызда М. Айқымбаев атындағы аса қауіпті инфекциялар ұлттық ғылыми орталығында төтенше жағдайлар кезіндегі персоналдың іс-қимылдары бойынша оқу-жаттығу өткізілді.
№159 бұйрығына сәйкес ұйымдастырылған іс-шара аясында қызметкерлер жер сілкінісі мен өрт жағдайындағы әрекет ету дағдыларын, сондай-ақ нысандағы ықтимал апат салдарын азайту шараларын пысықтады.
Жаттығу Өндірісті дамыту басқармасының бөлімшелерінде өтті. Оқу-жаттығу барысында:
— персоналға уақытылы хабарландыру жүргізіліп, ғимараттан эвакуация жасалды;
— байланыс және хабарландыру жүйелері тексерілді;
— алғашқы өрт сөндіру құралдарын пайдалану арқылы шартты өрт ошағы сәтті оқшауланды;
— төтенше жағдайлар кезіндегі іс-қимылдарға қатысты практикалық сабақтар мен нұсқаулықтар өткізілді.
Жаттығуға алғашқы өрт сөндіру тобы мен санитарлық бекет қатысты. Қорытындысында қызметкерлердің қауіп төнген жағдайда жедел әрі үйлесімді әрекет етуге жоғары дайындық деңгейі көрсетілді.
