. 2025 жылғы 24 шілдедегі Қазақстан Республикасы Президентінің ғылым және инновациялар мәселелері жөніндегі кеңесшісі К. Закария төрағалығымен өткен денсаулық сақтау жүйесін III – жетілу деңгейіне көшіру мәселесіне арналған кеңес қорытындысы бойынша №25-15-1.8 хаттамалық тапсырма аясында, 2025 жылғы 11–13 тамыз аралығында Астана және Алматы қалаларында өндірістік алаңдар мен сынақ зертханалары/орталықтарына барумен қатар, бірқатар көшпелі сессиялар өткізілді.
2025 жылғы 12 тамызда «QAZBIOPHARM» ұлттық холдингі, Дәрілік заттар мен медициналық бұйымдарды сараптау ұлттық орталығы (бұдан әрі – ДЗмМБСҰО), Өнеркәсіптік микроағзалардың республикалық коллекциясы, Ядролық физика институты, Жұқпалы ауруларға қарсы препараттар ғылыми орталығы, Ұлттық биотехнология орталығының Алматы филиалының өкілдері М. Айқымбаев атындағы аса қауіпті инфекциялар ұлттық ғылыми орталығының (бұдан әрі – АҚИҰҒО) сынақ зертханасына, BSL-3 қауіпсіздік деңгейіндегі виварийге және басқа да зертханаларына барды.
«Өнеркәсіптік микроорганизмдердің республикалық коллекциясы» ЖШС-нің бас директоры Ж. Бекшин сапар мақсаты ретінде сынақ зертханалары арасындағы өзара іс-қимылды нығайту мен одан әрі дамыту мәселелерін атап өтті, бұл өз кезегінде ұлттық реттеу жүйесінің жетілу деңгейін арттыруға мүмкіндік береді.
АҚИҰҒО бас директорының м.а. З. Жумадилова делегацияны АҚИҰҒО-ның қызметімен таныстырды. Ол 2021 жылдан бастап АҚИҰҒО мен ДЗмМБСҰО арасында «Ынтымақтастық туралы меморандум» аясында өзара іс-қимыл жүзеге асырылып келе жатқанын атап өтті.
Делегация мүшелері доклиникалық сынақтар жүргізу, ғылыми зерттеулерді дамыту перспективаларын зерттеулердің тиімділігі мен сапасын арттыру мақсатында талқылады.
