«Құрмет» орденімен марапаттау туралы
Қазақстан Республикасының Президенті Қасым-Жомарт Тоқаевтың Жарлығымен Қазақстан Республикасы күніне орай Айқымбаев Әлім Масғұтұлы, медицина ғылымдарының докторы, профессор, «Масғұт Айқымбаев атындағы аса қауіпті инфек-циялар Ұлттық ғылыми орталығы» ЖШС ғылыми бағдарламалар менеджменті бөлімінің бастығы ерекше еңбегі, аса қауіпті инфекциялардың алдын алудағы денсаулық сақтау жүйесіне қосқан зор үлесі үшін жоғары наградамен «Құрмет» орденімен марапатталды.
А.М. Айкимбаев Қазақстан, Өзбекстан, Қырғызстан, Ресей аумағында обаның 16 ошағында және тырысқақтың 5 ошағында эпидемияға қарсы іс-шараларға қатысты.
Әлім Масғұтұлының ғылыми қызметі әрқашан тәжірибемен тығыз байланысты болды. Ол ауру гормоналды препараттарды емдеу схемасында (1985 ж.) қолданған кезде оба бактерияларының антибиотикке төзімділігінің даму себептерін ашты, Кембридждің 1992-1993 жылдардағы халықаралық Адам номинациясымен белгіленген обаны емдеудің жаңа схемасы жасалды.
Әлім Масғұтұлы 400-ден астам ғылыми жұмыстың авторы, оның ішінде 30-дан астам мақала WEB of Science және Scopus базасының рейтингтік басылымдарында жарияланған, Хирш индексі 8.
Ол 22 монография шығарды, олардың кейбіреулері санитарлық-эпидемиоло-гиялық қызмет қызметкерлеріне арналған үстел кітаптарына айналды. Отандық және шетелдік мамандарды даярлау үшін 2015 жылы биологиялық қорғауды және денсаулықты қорғауды қамтамасыз ету жөніндегі германдық әріптестік бағдар-ламаның қолдауымен жарияланған «Қазақстандағы биологиялық қауіпсіздік жүйесі» монографиясы кеңінен қолданылады.
Профессор Ә. М. Айқымбаев аса қауіпті инфекциялардың алдын алу саласындағы жетекші мамандарға айналған медицина және биология ғылымдарының 10 докторы мен 15 кандидатын дайындады.
Үздік көрсеткіштері мен белсенді жұмысы үшін Ә. М. Айқымбаев бірнеше рет марапатталды. Оның кәсіби қызметі «КСРО Денсаулық сақтау үздігі», «КСРО Азаматтық қорғаныс үздігі» белгісімен, 1992-1993 жылғы Халықаралық Адам Кембридж номинациясымен, Халықаралық ғылыми қордың грантымен (Вашингтон, 1994), BEAUFOUR IPSEN фармацевтикалық фирмасының бірінші сыйлығымен (Франция,1995), АҚШ Қорғаныс министрлігінің қауіпті азайту агенттігінің «Жыл жобасы» бірінші сыйлығымен (2007), «ҚР Денсаулық сақтау үздігі» төсбелгілерімен, «Еңбек ардагері», «Қырғыз Республикасының Денсаулық сақтау саласына қосқан үлесі үшін» медалдарімен марапатталған
